sami المــديرالعام
عدد الرسائل : 57 العمر : 43 مهنتي: : هواياتي: : تاريخ التسجيل : 14/07/2008
| موضوع: قصه رومنسيه طريفه ( الجزء الثاني ) الإثنين أغسطس 25, 2008 4:11 am | |
| الجزء الثاني وتكملة للقصة الاولى
اكمال لروايه الي وصل صداها لمكتبات بنكوك ... وترجمت لـ 20000 لغه بالعالم << والله لو هي كتاب لاتحزن !!
لمحبي قراءه القصص الممطووووووطه فقط .. .................................................. .................................................. ..............
صوت موتر خويهم الددسن .. مدحدر فيه وماوقف الا بصندقه حارس مدرسة البنات .
وتراكضو يشوفون وش الي صار .
وصويلح يلتفت لفته وداع ويودع ابتسام بغمزه على الطاير ..
الا والحارس ابو علي . ماسك ماجد ورافعه مع غالوقته .
انت ماتشوف ؟ انت ماتستحي ؟ انت بغيت تموتني ... الخ ( طبعا بعد الترجمه والتعديل. والا ابو علي هذا من الحبشه )
والا اصلا هو قايل ( انت ماشوفتني ياهومار ؟ انت ماتستهي ؟ ياقليل الادب والزمير تبقاني اموته ؟ .... الخ
ا ايه هذي والله الورطه و .....
وقع ماجد بين فكي يد ابو علي الي كنهن ابو جلمبو ( اداة تستخدم لفك وربط الانابيب هههههه ) ..
اخرج صويلح هاتفه النقال ... وبداء بادخال رقم هاتف بيت عائلة ماجد ... ومن هول الموقف نسي صالح
ان جهاز جواله يكرر الرقم خمسه ( يعلق ) .. وبدئت نغمة الاتصال
طووووووط ... طوووووط ... طوووووط .. طووووووووووووووووووط << طول النغمه تظهر لنا ارتباك المتصل !!
سكتت النغمه واذا بالرد ...
الوووووووووووووووو << صووووت ناعم بنفس مطططططة الواو
اللسلام عليكم ..
نعم من المتصل ؟ وش تبي ؟ << هناء نسيت ان موضوعي بالفصحى ثم تمكنت من نفسها وعدلت الخطاء
نعم ماذا توريييييد ؟
ووووواما ماذا توريد ؟ اقوول اركدي بس ...... انقزي لابوك وقوليله ان ماجد صادمن جدار المدرسه
ياقليل الادب ... يالي ماتخاف ربك ... ماتستحي على وجهك تغازل بنات الناس بهالوقت ؟؟ لابوك ولابو من شارككم بموضوع بالماس
ااااااصصصصصصصصصصصصطرقع <<< عاد تعرفون قوه صفقه التلفون الثابت .
ويعيد صالح النظر بجواله !! الا وانه اخطاء بادخال الرقم !!
اقترب من ماجد الي عيونه حمر ومـتـناتـقات ( طالعات من محلهن ) طالعن كنه ابرص واطيه ددسن
ووجهه المحمر الذي كانه بتزا بالصلصه حجم وسط ...
وقال له .. ماجد كم رقم بيتكم ؟ الا ويشد ابو علي يده بحركه لولبيه سريعه ويخنق رقبه صالح
انت صديقه هااااااه ؟؟ ومن شده الزنقه احمر وجه صويلح وطلع تقل صندوق طماط
وهج اااقصد وهرب بقيه الشله لكي لايحدث لهم ماحدث لماجد وصالح ..
وفي هذه الاثناء وفي خضم الاحداث يرن جرس المدرسه وتتدفق الطالبات مع الباب الي عزاله ينفك من محله
( يقال ان ادارة التعليم ستضع ميزانيه خاصه لصيانة ابواب مدارس البنات لما يحدث لها عند تدافع السحالي )
تخرج من بين الـ 1000 نسمه البنت دلال CNN اخت صالح وكما يطلق عليها اسم دلـيل بتشديد الياء
وتنظر لاخوها وهو ملزوووووز بالجدار ومخنوووق وعيونه متشربكات طالعات تقل ازرار بالطو ..
الا وتظهر عليها علامات الدهشه وتقفل للاعلى جدايلها << ابراج البث المباشر
وتبداء بالاعلان باعلى صوتها .. اخوي صالح صااادم اخوي صويلح ماسكه حارس مدرستنا اخوي صويلح وجهه متجمع من الخوف ... الخ
وتذكر العالم بباب الحاره وبعبارة ( بليلا بل بلووووووكيييي بالليل طبخوكي وبالنهار زلطوووكي ....الخ )
ويختفي صوتها كلما زاد ابتعادها عنهم ...... فمادام ان دلال صدحت بالخبر ... فاعلم ان الخبر سيصل المخابرات الامريكيه
لم يكن هروب الشله الا لبيت ابو ماجد الذي جاء باسرع وقت ممكن .. ولو احد فكر بالنحشه كان زاعلوه باقي الشله
فاصل ( كان زعلان وسألته قلتله وش الي قلته ؟؟ مادريت اني قتلته .... قالت عيونه حبيبك زعلوووووه )
جاء رجل المرور وحرر الحادث .. ولوما تأمين الرخصه لكان ضفوووو ماجد لتوقيف الناصريه .
فعاد صالح لبيتهم وهو يعتصر المآ من غولة ابو علي هو واصابعه المتشطبات الي كنهن عصا مكنسه .................................................. .................................................. .................
حل المساء .. وتلبس اليوم بالضلام ... فما تكاد تمر من امام منزل الا ويصفق وجهك رائحه طبخ وجبة العشاء
فمن بيت ام صالح تفووووح رائحه الفول لان عشاهم هذا اليوم نواشف مع خبز تميس وقارورة ببسي عائليه << شف كيف التوفير
وتنبعث رائحه التوابل الهنديه من غرفة السائق رحيم فنصف الوجبه فلفل !!
وما ان تمر متوازين بيت ابو طارق الا ويصكك خششششمك من رائحه حراق المكرونه !! فما تستطيع ان تمييز هي رائحه حراق اكل والا رئحة فرامل جمس !!
الا وهالرفلاااااا ابتسام على بالها بتصلح مكرونا الا وشبت بالمطبخ واحرقك نص مواعين اهلها !! نعم يحق لها ذالك فالكثر بهالمنتدى مثلها
تزعج اهلها بالطلبات الغذائيه وبالاخير تشب بالمطبخ ؟ يالها من بنت ماعندها ماعند جدتي ..
فكما هي العاده تهاوشها امها .. فتهرررب ابتسام الى غرفتها وتضم الوساده والا الدبدوب وتجلس تصييح الى ان تنام ..
انا اصبخ وانفخ واتعب واكد و..... ويهاوشووني !!؟ << لسانها ولسان حال اغلب بني جنسها بمثل هالمواقف
وهذه هي كما العاده عندما تفعل جريمه بالبيت ..
تسبح ابتسام باحلام النوم .. التي تمنيها الخروج من البيت و بفارس الاحلام ..
وترسم شكل قاعة الافراح والقصر الذي ستسكن فيه <<< هي نايمه وتبي تحلم على كيفها انتم وش دخلكم ؟ ههههه
الا ويشوشر نومها صوت طق طقه الشباك !!! فتفتح عينيها وتقول ... يؤؤؤؤ مطر !! والا برد !! على انها تعرف ان هالايام عج بس تتخيل
وتغمظ عيناها مره اخرى وتعود لتعوووم لاكمال احلامها ... الا ويزداد الصوت !! ويتكثف بشكل اكبر على النافذه !!
وهي تقول .. هاااااااااه !! وش هالمطر ؟ اللهم حولينا ولا علينا !!
الى ان جت هااااك الطقه الي مافيه امل احد يقول برد .. وتتوالا الظربات !! وتقف ابتسام على قدميها << اجل تبيها تاقف على يديها ؟
وتففففففففتح النافذه الا وهاااااااااك الجلموووووووود الي بوسط الجبهه
صلوووووووح الله يعميييك فلقتني ... هذا هو رد ابتسام السريع !! عاد ماذا تفعل ووش تبدي من مشاكل
مشكله امها الي مهاوشتها ..؟ والا هالمهبول الي فالقها بجلمود ؟؟ مانقووول الا امممممحق من حبيب !
فابتسمت ابتسام للصويلح لعله يداوي جراح قلبها قبل ان تعالج هي فلقة راسها ...
فقالت لهووو << ابعلمكم انها مضمومه
وين انت ياصلووووح !! ؟ ماعلمتك اني انخطبت اليوم ؟
( بلا مراعاة لمشاعر الحبيب اطلقت رصااااااصه بلا رحمه تجرح القلب وجرح القلب اشد من جرح الجسد )
فقال لها .. وش هالكلام الي اسمعه ؟ والا ردة فعل اردتي فيها جرح قلبي عوض عن جرح جبهتك ؟ الي كنها طوفريه مطعم ؟
( طوفريه = صييينيه = صحن يقدم به الاكل والشرب ) << ترجمه للمستشرقيين الجدد
وكعادته الا اراديه عندما يكون شماغه على كتفه .. امسك صويلح بشماغه واخذ ينقله مابين كتفه الايـمن والايـسر
وانفاسه تزفررر من فناخره الملتهبه من القهر فهل هذه هي نهايه الحب ! والتضحيه ! وبطاقات الشحن ! والمطـلطـله والسنتره قبال هالدريشه !؟
فأقل المخاطر لو عرفت ام طارق بصويلح وابنتها ابتسام ان كان تفررررك وجهه فرك بالشارع وتذبح بنتها ذبح..
فقال صويلح .. ابتسام موب راح تحترييني ( تنتظريني ) لين اتخرج واجي اخطبك ؟ ماتفقنا على كل شي ؟
فقالت ....؟ انت بزر توك تدرس ؟ وكل ترم تحمل اربع مواد ..؟ ومنتف مابجيبك الا عشر تريل للفسحه
ولا معك سياره ... وبعدي ماذا اوريد بك انت ووجهك هالي كنه مايكرويف .. انا ابتزوج هيثم ولد عمتي وهو يشتغل بالاتصالات
وراح انساك انت وبطاقات ام عشره الي ماترسلهن الا بالسنه احسنه
( كل يومين يشحن لها بس هي انواع الجحداااات )
لم يستطع صالح ان يتمالك نفسه .. ووثب على ركبتيه
فقال ابتسام ! انتي تقولين كذا !! انني مافيه امل اصدق هالكلام
قالت .. اقووووول طس اهرب عن وجهي واخرج من مخي
هنا ومع غلق ابتسام النافذه اغلقت قصه حب عاش ويعيش مثلالها الالاف من الشباب والفتيات
وهي تقول انا ابشوف نصيبي وابتزوج عشان اركب قدام ...
فالله اعلم هل هي مخطوبه صدق ؟ ام انها تصريفه اردة فيها ان تزحلق صالح !!
النهايه
فوائد القصه ( الجزئين ) ...
1- انتبهو لخداماتكم خاصه اذا بيطلعون القمامه الله يكرمكم ..
2- ترا السواقين دااااااايم تزيغ عيونهم فانتبهوو لانفسكم قبل الخدامات
3- الطنزه والعياره شي مافيه امل نتركه هههههههه
4- لاترجم الكتب الدراسيه بعد انتهاء الترم << لو يدرون عنك ادارة التعليم ان كان يعينونك وزير
5- الي مهوب مأمن الرخصه بيدفع من جيبه تكاليف الحادث .
6- اذا مالكم خلق تتعبون بتصليح العشاء .. الله الله بالنواشف
7- البنت تحرص على طاعة امها وتحرص تكون سنعه بالبيت مهوب مثل ...
8- لاعمرك تفكر تحب قبل الزواج علاقات الحب اشكال والنهايه وحده ( حزن )
9- اذا بغيت تفارق احد ... خطط لتصريفه سنعه مهوب ان ابو بيزوجني بنت عمي غصب عني .
ان شاء الله يكون الموضوع قد المقام واتمنى يصل لرضاكم | |
|
دحوووم مشـــرف
عدد الرسائل : 78 العمر : 35 مزاجي: : مهنتي: : هواياتي: : تاريخ التسجيل : 31/08/2008
| موضوع: رد: قصه رومنسيه طريفه ( الجزء الثاني ) الثلاثاء أكتوبر 07, 2008 8:26 am | |
| | |
|